Правење резервна копија и зачувување податоци на телефонот
Може да се случат несреќи. Поставете го телефонот да направи резервна копија на параметрите
и содржините на сметката на Microsoft.
Потребна ви е сметка на Microsoft за да го направите резервна копија од податоците. Можете
да го поставите телефонот да направи резервна копија од списокот со апликации, параметри,
текстуални пораки, фотографии и видеа.
1. На почетниот екран, лизгајте налево и допрете Параметри > резервна копија.
2. Ако ви е побарано, пријавете се на сметката на Microsoft.
3. Одберете на што да се направи резервна копија и како.
Преземените апликации можеби нема да бидат вклучени во резервната копија, но можеби
повторно можете да ги преземете од Продавница, штом апликацијата е достапна. Можеби ќе се
применат трошоци за пренос на податоци. За повеќе информации, контактирајте со мрежниот
оператор на услуги.
За автоматско правење резервна копија од видеата или фотографиите со најдобар квалитет,
потребно ви е поврзување на Wi-Fi
За да направите резервна копија од друга содржина, како на пример музика, користете ја или
апликацијата Windows Phone за работна површина или Windows Explorer.
Ако некогаш треба да ги вратите параметрите или други содржини од коишто сте направиле
резервна копија, додадете ја сметката на Microsoft на новиот телефон и следете ги упатствата
на телефонот.